HABE

Euskaltegietako ikasleentzako deialdia (2021)

Hemen zaude: Euskara-mailak egiaztatzea > Azterketa-deialdiak > Euskaltegietako ikasleentzako deialdia

Euskaltegietako ikasleentzako deialdia: B1 maila Euskaltegietako ikasleentzako deialdia: B2 maila Euskaltegietako ikasleentzako deialdia: C1 maila Euskaltegietako ikasleentzako deialdia: C2 maila

  • Deialdian parte hartzeko ezinbesteko baldintza

    HABEren erregistroan inskribatutako euskaltegi batean matrikulatuta egotea, betiere 2020ko ekainaren 1etik aurrera hasitako ikastaro batean.

  • Egutegia

    Euskaltegietako ikasleentzako deialdiak bi azterketaldi izango ditu 2021 urtean: lehenengoa udaberrian eta bigarrena udazkenean.
Euskaltegietako ikasleen deialdia (2021) Lehen azterketaldia Bigarren azterketaldia
Euskaltegiek HABEri jakinarazi ikasleek gainditutako maila Martxoaren 23rako Irailaren 6rako
Matrikulazio-epea Apirilaren 6tik 14ra Irailaren 9tik 15era
Onartuen zerrenda Apirilak 15 Irailak 16
Idazmen-probaren lekua aldatzeko eskaerak [1] Apirilak 23 Irailak 23
Irakurmen- eta entzumen-proben emaitzak Apirilak 27 Irailak 28
Idazmen-proba Maiatzaren 3tik 8ra [2] Urriaren 8tik 9ra [2]
Idazmen-proba egiteko ezohiko data [3] Maiatzak 18 Urriak 19
Idazmen-probaren emaitza Ekainak 11 Azaroak 11
Berrikuspen-eskaerak aurkezteko epea Ekainaren 14tik 16ra Azaroaren 12tik 16ra
Mintzamen-probaren lekua, eguna edo ordua aldatzeko eskaerak [1] Ekainak 14 Azaroak 12
Mintzamen-proba Ekainaren 24tik uztailaren 10era [2] Azaroaren 25etik abenduaren 4ra [2]
Mintzamen-proba egiteko ezohiko data [3] Uztailak 16 Abenduak 14
Emaitza orokorrak Uztailak 21 Abenduak 20
Berrikuspen-eskaerak aurkezteko epea Uztailaren 22tik 26ra Abenduaren 21etik 23ra
[1] HABEk ahal den neurrian onartuko ditu aldaketa-eskaerak. Idazmen-probetan, leku-aldaketa eskatu daiteke. Mintzamen-probetan, lekuaz gain, egun- edo ordu-aldaketa eskatu daiteke, betiere dagokion mailaren egutegian aurreikusitako aukeren artean. Ikusi mailakako egutegi xehea eta irakurri aldaketak eskatzeko jarraibideak mailakako informazio-orrietako "Probak egiteko leku, egun eta orduak" atalean (mailakako informaziorako loturak, orri honen goiburuan).
[2] Adierazitako epe hori deialdi osoari dagokio. Maila bakoitzeko probak egun eta ordu jakin batzuetan egingo dira. Ikusi mailakako egutegi xehea mailakako informazio-orrietako "Probak egiteko leku, egun eta orduak" atalean (mailakako informaziorako loturak, orri honen goiburuan).
[3] Ustekabeko eta ezinbesteko arrazoi batengatik ohiko datan aurkeztu ezin izan direnentzako bakarrik. Irakurri xehetasunak mailakako informazio-orrietako "Probak egiteko leku, egun eta orduak" atalean (mailakako informaziorako loturak, orri honen goiburuan).

  • Aztertokiak

    • Araba
    • Bizkaia
    • Gipuzkoa

  • Proben aplikazioa

    • Irakurmen- eta entzumen-probak: euskaltegian egingo dira.
    • Idazmen- eta mintzamen-probak: bi egunetan egingo dira (batean idazmen-proba, eta bestean mintzamen-proba), HABEk deitutako data, leku eta orduetan.
    • Emaitzei buruzko oharra: irakurmen- eta entzumen-probak gainditzea ezinbestekoa da idazmen-probara aurkezteko. Bestalde, idazmen-proban ere gutxieneko puntuazioa lortu behar da mintzamen-probara aurkezteko. Ikusi xehetasunak mailakako informazioaren atalean (mailakako informaziorako loturak, orri honen goiburuan).

  • Matrikula-eskubideak

    Ikasleak, euskaltegian lortutako mailaren arabera, honako matrikula-eskubideak eskuratuko ditu:
    • Ikasleak mailaren atalasea gainditzen baldin badu, bi aukera izango ditu maila horretan matrikulatzeko, maila lortu duen ebaluazio-dataren ondorengo bi azterketaldietan.
    • Ikasleak mailaren atalasea gainditu ez, baina maila horren aurreko azpimaila lortzen baldin badu, aukera bakarra izango du gainditu ez duen mailaren beheragoko mailan matrikulatzeko, azpimaila lortu duen ebaluazio-dataren ondorengo azterketaldian.
    • Oraindik ere matrikula-aukeraren bat erabilgarri duen ikasle batek beste aukera-multzo bat eskuratuko balu maila berean, ikasle horri ez zaizkio aukerak pilatuko. Beste aukera-multzo hori beste maila baterako eskuratuko balu, ikasleak erabaki beharko du maila bietako zeinetan matrikulatu.

  • Azterketaldien artean emaitzak gordetzeaz

    Eskuratu den aukera-multzo bakoitza emaitza batzuri lotuta dago, eta multzo bereko aukeren artean bakarrik gordeko dira emaitzak azterketaldi batetik bestera (ikusi aurreko puntua, "Matrikula-eskubideak"). Izan ere, emaitzak azterketaldi batetik bestera gordetzea aukera-multzo bakoitzarekin agortzen da. Adibidez:
    • Matrikulatzeko aukera bakarra duen azterketariari ez zaio emaitzarik gordeko.
    • Bi aukera dituen azterketariari, lehenengoan entzumen- eta irakurmen-probak gainditu baldin baditu eta beste aukerarik eskuratu ez badu, bigarren azterketaldirako gordeko zaizkio gainditutako proba horien emaitzak. Azterketari horrek, oraindik bi aukera horiek agortu gabe, beste aukera-multzo bat eskuratuko balu, bigarren aukerako entzumen- eta irakurmen-proben emaitzak aukera-multzo berriarenak izango dira.
    • Bi aukera dituen azterketariari, lehenengoan entzumen-, irakurmen- eta idazmen-probak gainditu baldin baditu, bigarren azterketaldirako gordeko zaizkio proba horien emaitzak, nahiz eta beste aukera-multzo bat lortu izan.

  • Matrikulazioa

    • Mailak: euskaltegian lortutako mailak erabakitzen du zein mailatan matrikulatu daitekeen azterketaria; azterketaldi bakoitzean, maila bakar baterako bakarrik egin daiteke matrikula.
    • Matrikula-ordaina:40 €
    • Izen-ematea: HABEren webgunetik bideratuko da, egutegian zehaztutako epean, hemen:

      Hasi saioa* > Azterketak: matrikulak eta emaitzak > [hautatu deialdia eta maila] > Matrikula egin/ikusi

  • Bateraezintasuna

    Euskaltegietako ikasleen deialdiko azterketaldi batean matrikulatzen den azterketariak ezin du, sei hileroko azterketaldi berean, inolako matrikularik egin HABEren beste deialdi batean, nahiz eta beste maila batean izan. Euskaltegietako ikasleen deialdiari uko egin eta HABEren beste deialdi batean matrikulatu nahi duen ikasleak HABErekin jarri behar du harremanetan mezu bat bidaliz helbide honetara: egiaztatzegintza@habe.eus

  • Mailakako informazioa

    Euskaltegietako ikasleen deialdian maila jakin bat egiaztatzeari buruzko xehetasunak irakurtzeko, sakatu mailari dagokion irudia orri honen goiburuan.

Azken aldaketako data: