Euskaltegiak

Xede berezietako ikastaroak antolatzeko gidalerroak:

• Aisa
• Dendaketan
• Ostalaritza

---

AISA harrera-Ikastaroa

AISA harrera-ikastaroen xedea da etorkinak euskara ikastera bultzatzea. Helburu horrekin, 2004tik AISA harrera-ikastaro linguistikoak antolatu dira hainbat tokitan. Harrera-ikastaro horiek Euskal Autonomia Erkidegoan bizi diren etorkinentzat diseinatu dira bereziki; ikastaro horietan berariaz sortutako ikasmaterialak erabiltzen dira: AISA ikasmaterialen bilduma.

Hona hemen AISA harrera-ikastaroak antolatzeko jarraitu beharreko prozedura:

Eskaria egitea

• Harrera-ikastaroa antolatzeko eskaerak honakoek egin dezakete: udalek (normalizazio edota inmigrazio teknikarien bidez, adibidez) eta euskaltegiek.
• Etorkinen elkarteek edota etorkinei laguntzeko elkarteek ezin izango dute zuzenean eskatu; eskariak udalen edo euskaltegien bidez bideratu beharko dituzte.
• Eskaerak (eskaera-eredua) HABEra bideratuko dituzte (info@habe.eus, tel. 943-022600).

Ikastaroaren publizitatea

Publizitatea eskatzailearen esku geldituko da, hau da, ikastaroa antolatu nahi duen erakundearen esku.

Euskaltegia

Erakunde antolatzaileak zehaztuko du harrera-ikastaroak zein euskaltegitan eskainiko dituen.

Baldintzak

Hona hemen bete beharreko baldintzak, dirulaguntza jaso ahal izateko:

• Taldearen osaketa: euskaltegi publiko eta pribatu eta autoikaskuntzarako zentro homologatuentzat 2021-2022 ikasturteko dirulaguntzen deialdiak egiten dituzten Ebazpenek (2021eko irailaren 8ko ebazpenak biak) araututako taldearen osaketarako irizpidea betetzea, hau da, taldeko ikasle-kopuruak, taldea kokatzen den herriaren tamainaren arabera, ezarritako gutxienekoak betetzea.
  

  Biztanle kopurua	Talde bakoitzeko gutxienekoa
  <=5.000	5
  5.001 - 10.000	6
  10.001 - 25.000	7
  >25.000	8

• Etorkinak izatea, bere egoera administratiboa irregularra izanda ere.
• 60 orduko ikastaroa izatea: astean 3, 4 ala 6 ordu, egun bakarrean, bi edo hiru egunetan banatuta.
• AISA liburuak erabiltzea.
• Udalek nahi duten euskaltegia aukeratuko dute harrera-ikastaroa antolatzeko.
• Irakaslea euskaltegi homologatu bateko langilea izatea.
• HABEk eskatzen duen informazioa eskaintzea. 
  • Datutegiaren bitartez burutzekoa: talde, irakasle, ikasle eta ikastaroaren datuak.
  • Ikastaroaren bukaeran ebaluazio fitxa bete beharko dute, egindakoaren berri emanez.

Taldearen onarpena

HABEk eskaerak aztertu ondoren jakinaraziko dio eskatzaileari ikastaroa onartua izan den ala ez, ezezko kasuan ere arrazoiak azalduz. HABEk erantzuna eskaria jaso eta bost egunen buruan emango du.

Taldearen antolaketa

• Ikastaroa antolatu denetan, HABEk dagozkion ikusketak egin ahal izango ditu.
• Ikastaroa bukatutakoan, euskaltegiak ebaluazio txostena bidaliko du HABEra.

Finantzazioa

• Era honetan antolatu eta emandako ikastaroak HABEk bere ohiko dirulaguntzen bitartez finantzatuko ditu, eskolak ematen dituen euskaltegiari gainerako ikastaro homologatuak babesteko erabiltzen dituen irizpideekin.
• Euskaltegi pribatuen kasuan, onartutako taldearen eskola-ordua, oinarrizko moduluaren bitartez babestuko da, euskaltegiaren ratioan eraginik izan gabe.
• Horrez gain, ikasleak ordaindu beharko lukeena gutxitze aldera, HABEk 800 euro gehigarri ordainduko dizkio euskaltegiari, ikastaroa amaitu ondoren aurkeztutako fakturaren bitartez. Udal euskaltegien kasuan, ikasleak ordaindu beharko lukeena gutxitzeko gehigarria 400 eurokoa izango da.

---

Dendaketan - Dendarientzako ikastaroak

Honen bidez, Euskara Biziberritzeko Plan Nagusiari jarraiki, merkataritzan hizkuntza-paisaia eta erabilpen mintzatua areagotzeko asmoz HABEk duen egitasmoaren berri jakinarazi nahi dizugu: dendariei eta dendako langileei zuzenduriko ikastaro bereziak antolatzea.

Euskararen erabilera aldetik merkataritza gune estrategikoa da. Euskal merkataritzak zerbitzu ezin hobea eskaintzen du, baina, tamalez, ez du zerbitzu hori beti euskaraz eskaintzen, ageriko errotulazio guztia ez da euskaraz egoten esate baterako, gehienetan euskaraz egiteko gai ez direlako bertako dendariak. Horretaz jabeturik HABE Erakundearen egitasmoa zerbitzu hori euskaraz bideratu ahal izateko bitartekoak eskaintzea izan da. Horretarako, lehenbizi DENDAKETAN izeneko ikasmateriala argitaratu du eta orain dendarientzako eta dendako langileentzako ikastaro bereziak antolatu nahi ditu.

Hona hemen dendarientzako eta dendako langileentzako ikastaroak antolatzeko jarraitu beharreko prozedura:

Eskaria egitea 

• Ikastaroa antolatzeko eskaerak honakoek egin dezakete: udalek (normalizazio teknikarien bidez, adibidez) eta euskaltegiek.
• Dendariek ezin izango dute zuzenean eskatu; eskaerak udalen edo euskaltegien bidez bideratu beharko dituzte.
• Eskaerak (eskaera-eredua) HABEra bideratuko dituzte (info@habe.eus, tel. 943-022600).

Ikastaroaren publizitatea 

Publizitatea eskatzailearen esku geldituko da, hau da, ikastaroa antolatu nahi duen erakundearen esku. 

Euskaltegia 

Erakunde antolatzaileak zehaztuko du ikastaroak zein euskaltegitan eskainiko dituen.

Baldintzak

Hona hemen bete beharreko baldintzak, dirulaguntza jaso ahal izateko:

• Taldearen osaketa: euskaltegi publiko eta pribatu eta autoikaskuntzarako zentro homologatuentzat 2021-2022 ikasturteko dirulaguntzen deialdiak egiten dituzten Ebazpenek (2021eko irailaren 8ko ebazpenak biak) araututako taldearen osaketarako irizpidea betetzea, hau da, taldeko ikasle-kopuruak, taldea kokatzen den herriaren tamainaren arabera, ezarritako gutxienekoak betetzea.

Biztanle kopurua	Talde bakoitzeko gutxienekoa
<=5.000	5
5.001 - 10.000	6
10.001 - 25.000	7
>25.000	8

• Ikasleak dendariak edo dendako langileak izatea
• 2005eko uztailaren 27ko Ebazpenaren 4. artikuluan zerrendatutako ikastaro-moduluez aparteko erritmoan antolatuta HABEk onar dezan, jarduera horrek EBPN, LanHitz edo gutxienez udal-mailako plangintza batean sortua eta txertatua egon beharko du. Eta, kasu bakoitzean, dagokion Erakundeak egin edo onetsitako txostena aurkeztu beharko du euskaltegiak.
• Udalek nahi duten euskaltegia aukeratuko dute ikastaroa antolatzeko.
• Irakaslea euskaltegi homologatu bateko langilea izatea.
• HABEk eskatzen duen informazioa eskaintzea.
  • Datutegiaren bitartez burutzekoa: talde, irakasle, ikasle eta ikastaroaren datuak
  • Ikastaroaren bukaeran ebaluazio fitxa bete beharko dute, egindakoaren berri emanez.

Taldearen onarpena

• HABEk eskaerak aztertu ondoren jakinaraziko dio eskatzaileari ikastaroa onartua izan den ala ez, ezezko kasuan ere arrazoiak azalduz.
• HABEk erantzuna eskaria jaso eta bost egunen buruan emango du.

Taldearen antolaketa

• Ikastaroa antolatu denean, HABEk dagozkion ikusketak egin ahal izango ditu
• Ikastaroa bukatutakoan, euskaltegiak ebaluazio-txostena bidaliko du HABEra.

Finantzazioa

• Era honetan antolatu eta emandako ikastaroak HABEk bere ohiko dirulaguntzen bitartez finantzatuko ditu, eskolak ematen dituen euskaltegiari gainerako ikastaro homologatuak babesteko erabiltzen dituen irizpideekin.
• Euskaltegi pribatuen kasuan, onartutako taldearen eskola-ordua, oinarrizko moduluaren bitartez babestuko da, euskaltegiaren ratioan eraginik izan gabe.    

---

Ostalaritzako langileentzako ikastaroak

Euskararen erabilera aldetik ostalaritza gune estrategikoa da. Euskal ostalaritzak zerbitzu ezin hobea eskaintzen du, baina, tamalez, ez du zerbitzu hori beti euskaraz eskaintzen, gehienetan euskaraz egiteko gai ez direlako bertako zerbitzariak. Horretaz jabeturik HABE Erakundearen egitasmoa zerbitzu hori euskaraz bideratu ahal izateko bitartekoak eskaintzea izan da. Horretarako, lehenbizi Ostalaritza izeneko ikasmaterialak argitaratu ditu eta orain ostalaritzako langileentzako ikastaro bereziak antolatu nahi ditu.

Hona hemen ostalaritzako langileentzako ikastaroak antolatzeko jarraitu beharreko prozedura:

Eskaera egitea

• Ikastaroa antolatzeko eskaera honakoek egin dezakete: Udalek (normalizazio teknikarien bidez, adibidez) eta euskaltegiek.
• Ostalariek ezin izango dute zuzenean eskatu; eskaerak udalen edo euskaltegien bidez bideratu beharko dituzte.
• Eskaerak (eskaera-eredua) HABEra bideratuko dituzte (info@habe.eus, tel. 943-022600).

Ikastaroaren publizitatea

Publizitatea eskatzailearen esku geldituko da, hau da, ikastaroa antolatu nahi duen erakundearen esku.

Ikastaroaren publizitatea

Publizitatea eskatzailearen esku geldituko da, hau da, ikastaroa antolatu nahi duen erakundearen esku.

Euskaltegia

Erakunde antolatzaileak zehaztuko du ikastaroak zein euskaltegitan eskainiko diren.

Baldintzak

Hona hemen bete beharreko baldintzak, dirulaguntza jaso ahal izateko:

• Taldearen osaketa: euskaltegi publiko eta pribatu eta autoikaskuntzarako zentro homologatuentzat 2021-2022 ikasturteko dirulaguntzen deialdiak egiten dituzten Ebazpenek (2021eko irailaren 8ko ebazpenak biak) araututako taldearen osaketarako irizpidea betetzea, hau da, taldeko ikasle-kopuruak, taldea kokatzen den herriaren tamainaren arabera, ezarritako gutxienekoak betetzea. 

Biztanle kopurua	Talde bakoitzeko gutxienekoa
<=5.000	5
5.001 - 10.000	6
10.001 - 25.000	7
>25.000	8

• Ikasleek ostalaritzan lan egitea.
• 2005eko uztailaren 27ko Ebazpenaren 4. artikuluan zerrendatutako ikastaro-moduluez aparteko erritmoan antolatuta HABEk onar dezan, jarduera horrek EBPN, LanHitz edo gutxienez udal-mailako plangintza batean sortua eta txertatua egon beharko du. Eta, kasu bakoitzean, dagokion Erakundeak egin edo onetsitako txostena aurkeztu beharko du euskaltegiak.
• Udalek nahi duten euskaltegia aukeratuko dute ikastaroa antolatzeko.
• Irakaslea euskaltegi homologatu bateko langilea izatea.
• HABEk normalean eskatzen duen informazioa eskaintzea.
  • Datutegiaren bitartez burutzekoa: talde, irakasle, ikasle eta ikastaroaren datuak.
  • Ikastaroaren bukaeran ebaluazio fitxa bete beharko dute, egindakoaren berri emanez.

Taldearen onarpena

HABEk eskaerak aztertu ondoren jakinaraziko dio eskatzaileari ikastaroa onartua izan den ala ez, ezezko kasuan ere arrazoiak azalduz. HABEk erantzuna eskaria jaso eta bost egunen buruan emango du.

Taldearen antolaketa

• Ikastaroa antolatu denean, HABEk dagozkion ikusketak egin ahal izango ditu.
• Ikastaroa bukatutakoan, euskaltegiak ebaluazio fitxa bidaliko du HABEra.

Finantzazioa

• Era honetan antolatu eta emandako ikastaroak HABEk bere ohiko dirulaguntzen deialdiaren bitartez finantzatuko ditu, eskolak ematen dituen euskaltegiari gainerako ikastaro homologatuak babesteko erabiltzen dituen irizpideekin.
• Euskaltegi pribatuen kasuan, onartutako taldearen eskola-ordua, oinarrizko moduluaren bitartez babestuko da, euskaltegiaren ratioan eraginik izan gabe.