2024ko azterketa-deialdiak
Matrikula egiteko, zalantzak dituzu?
Behin deialdi batean matrikula eginda, ez da onartuko deialdi batetik bestera aldaketa egitea.
Deialdi-motak
Beheko taulan deialdien datu esanguratsuenak bildu dira. Azterketa-deialdi bati buruzko informazio xehea irakurtzeko, sakatu dagokion esteka orri honen goiburuan.
| Euskaltegietako ikasleen deialdia | Deialdi irekia | |
|---|---|---|
| Baldintza nagusia | Euskaltegiren batean matrikulatuta egotea 2023ko martxoaren 27tik aurrera hasitako ikastaro batean. | 16 urte beteta izatea edo matrikula egiten den urte naturalean betetzea. |
| Mailak |
B1, B2, C1 eta C2 mailak. Euskaltegian lortutako mailak erabakitzen du zein mailatako probetara aurkeztu. |
B1, B2, C1 eta C2 mailak. Azterketariak aukeratzen du zein mailatako probetara aurkeztu, baina azterketaldi bakoitzean maila bakar baterako bakarrik egin daiteke matrikula. |
| Azterketaldiak | Bi: bata udaberrian eta bestea udazkenean. | Bi: bata udaberrian eta bestea udazkenean. |
| Matrikulazio-epeak (2024) |
|
|
| Aztertokiak |
|
|
| Proben aplikazioa | Irakurmen- eta entzumen-probak euskaltegiak aplikatu eta kalifikatzen ditu. Idazmen- eta mintzamen-probak bi egunetan egingo dira (batean idazmen-proba, eta bestean mintzamen-proba). | Irakurmen- eta idazmen-probak batera egingo dira, egun batean; entzumen- eta mintzamen-probak batera egingo dira, beste egun batean. |
| Azterketaldien artean emaitzak gordetzea |
Azterketaldi batean sortutako bi aukeren arteko lehenengoan entzumen- eta irakurmen-probak bakarrik gainditu dituen ikasleari trebetasun-proba horietako emaitzak gordeko zaizkio bigarren aukerarako, eta, honenbestez, idazmen- eta mintzamen-probak bakarrik egin beharko ditu. Halaber, entzumen- eta irakurmen-probak ez ezik, idazmen-proba ere gainditzen badu, soilik mintzamen-proba egin beharko du bigarren aukeran. Oharra: kasu horietan, azterketariak, bigarren aukerako matrikula egin eta ordaindu beharko du. |
Azterketaldi batean irakurmen-proba eta idazmen-proba gainditu dituen azterketariari trebetasun-proba horietako emaitzak gordeko zaizkio hurrengo azterketaldirako, eta, horrenbestez, entzumen- eta mintzamen-probak bakarrik egin beharko ditu. Oharra: kasu horietan, azterketariak, bigarren aukerako matrikula egin eta ordaindu beharko du. |
| Matrikula-ordaina | 44 € (azterketaldiko) | 87 € (azterketaldiko) |
| Batera-ezintasuna | Deialdi jakin bateko azterketaldi batean matrikulatzen den azterketariak ezin du, sei hileko azterketaldi berean, inolako matrikularik burutu HABEren beste deialdi batean, nahiz eta beste maila batean izan. | |