2025eko azterketa-deialdiak
Behin deialdi batean matrikula eginda, ez da onartuko deialdi batetik bestera aldaketa egitea.
Deialdi-motak
Beheko taulan deialdien datu esanguratsuenak bildu dira. Azterketa-deialdi bati buruzko informazio xehea irakurtzeko, sakatu dagokion esteka orri honen goiburuan.
| Euskaltegietako ikasleen deialdia | Deialdi irekia | HOBE deialdia (ordenagailu bidez) | |
|---|---|---|---|
| Baldintza nagusia | Euskaltegiren batean matrikulatuta egotea 2024ko martxoaren 25etik aurrera. | 16 urte beteta izatea edo matrikula egiten den urte naturalean betetzea. | 16 urte beteta izatea edo matrikula egiten den urte naturalean betetzea. |
| Mailak |
B1, B2, C1 eta C2 mailak. Euskaltegian lortutako mailak erabakitzen du zein mailatako probetara aurkeztu. |
B1, B2, C1 eta C2 mailak. Azterketariak aukeratzen du zein mailatako probetara aurkeztu, baina azterketaldi bakoitzean maila bakar baterako bakarrik egin daiteke matrikula. |
B1, B2, C1 eta C2 mailak. Azterketariak aukeratzen du zein mailatako probetara aurkeztu, baina azterketaldi bakoitzean maila bakar baterako bakarrik egin daiteke matrikula. |
| Azterketaldiak | Bi: bata udaberrian eta bestea udazkenean. | Bi: bata udaberrian eta bestea udazkenean. | Oraingoz, bat udaberrian. Bigarrena egitea erabakitze dago. |
| Matrikulazio-epeak (2025) |
|
|
|
| Aztertokiak |
|
|
|
| Proben aplikazioa | Irakurmen- eta entzumen-probak euskaltegiak aplikatu eta kalifikatzen ditu. Idazmen- eta mintzamen-probak bi egunetan egingo dira (batean idazmen-proba, eta bestean mintzamen-proba). | Irakurmen- eta idazmen-probak batera egingo dira, egun batean; entzumen- eta mintzamen-probak batera egingo dira, beste egun batean. | Ordenagailuz egingo dira entzumen-, irakurmen- eta idazmen-probak egun batean; mintzamen-proba beste egun batean egingo da. |
| Azterketaldien artean emaitzak gordetzea |
2024ko eta 2025eko azterketaldi batean irakurmen-proba eta entzumen-proba gainditu dituen ikasleari trebetasun-proba horietako emaitzak gordeko zaizkio 2025eko deialdiko bi azterketaldietan, eta, horrenbestez, idazmen-proba eta mintzamen-proba bakarrik egin beharko ditu, betiere, matrikulatzeko eskubidea baldin badu azterketaldi horietan. Halaber, irakurmen- eta entzumen-probak ez ezik, idazmeneko proba ere gainditu badu, soilik mintzamen-proba egin beharko du dagokion azterketaldian. Oharra: kasu horietan, azterketariak, bigarren aukerako matrikula egin eta ordaindu beharko du. |
2025eko azterketaldi batean irakurmen-proba eta idazmen-proba gainditu dituen azterketariari trebetasun-proba horietako emaitzak gordeko zaizkio hurrengo azterketaldirako, eta, horrenbestez, entzumen- eta mintzamen-probak bakarrik egin beharko ditu. Horrez gain, 2024ko azterketaldi batean irakurmen-proba eta idazmen proba gainditu dituen azterketariari gordeko zaizkio 2025eko deialdiko bi azterketaldietan, eta, horrenbestez, mintzamen-proba eta entzumen-proba bakarrik egin beharko ditu. Oharra: kasu horietan, azterketariak, bigarren aukerako matrikula egin eta ordaindu beharko du. |
2025eko azterketaldi batean irakurmen-proba, entzumen-proba eta idazmen-proba gainditu dituen B1, B2, C1 eta C2 mailetako azterketariari trebetasun-proba horietako emaitzak gordeko zaizkio hurrengo azterketaldirako, eta, horrenbestez, mintzamen-proba bakarrik egin beharko du bigarren azterketaldi horretan. Oharra: kasu horietan, azterketariak, bigarren aukerako matrikula egin eta ordaindu beharko du. |
| Matrikula-ordaina | 44 € (azterketaldiko) | 87 € (azterketaldiko) | 87 € (azterketaldiko) |
| Batera-ezintasuna | Deialdi jakin bateko azterketaldi batean matrikulatzen den azterketariak ezin du, sei hileko azterketaldi berean, inolako matrikularik burutu HABEren beste deialdi batean, nahiz eta beste maila batean izan. | ||